Documents required for organization registration
(क) संस्था दर्ताको लागि आवश्यक कागजताहरुः
(चेक लिस्ट)
- संस्था दर्ताको लागि कार्य समितिका पदाधिकारीहरुको हस्ताक्षरयुक्त रु. 10/- को टिकट सहितको रितपूर्वकको संयुक्त निवेदन
- संस्था दर्ता गर्ने सम्बन्धमा भेलाको निर्णय
- सक्कल विधान 3 (तीन) सेट (सबै पदाधिकारीहरुको फोटो सहितको विवरण संलग्न भएको)
- स्थानीय तह र जिल्ला समन्वय समितिको सिफारिस पत्र
- महिला, बालबालिका तथा वृद्धहरुको क्षेत्रमा कार्य गर्न विधानमा उल्लेख भएका संस्थाहरुको हकमा महिला तथा बालबालिका कार्यालयको सिफारिस पत्र
- संस्थाको कार्यसमितिका पदाधिकारीहरुको नागरिकताको प्रतिलिपी सहित सक्कल नागरिकता प्रमाणपत्र
- अन्यत्र जिल्लाबाट नागरिकता जारी भई यस जिल्लामा बसोवास गर्ने संस्थामा आवद्ध समितिका व्यक्तिहरुको हकमा स्थायित्व देखिने बसाईसराई, जग्गा धनी प्रमाण पूर्जा, घर निर्माण स्वीकृति आदि पेश गर्नु पर्ने छ, उपर्युक्त यस जिल्लामा वसोवास गरेको स्थायित्व पेश भई नआएका पदाधिकारीहरुको हकमा सम्बन्धित जिल्लाबाट नै निजहरुको चालचलन/गतिविधि बुझिनेछ।
- संस्थाको कार्यालय रहने घर/कोठाको घर धनीसंग गरिएको सम्झौता पत्र, घरको जग्गा धनि प्रमाण पूर्जा/घर निर्माण स्वीकृति र नागरिकताको प्रतिलिपी समेत पेश गर्नु पर्नेछ।
नोटः सबै कागजातहरूको सक्कल(Original) र नक्कल(Copy) पेश गर्नुपर्नेछ ।